1030    

17/10/2017

1876-cı ildə - Azərbaycan milli azadlıq hərəkatının fəal iştirakçılarından biri, Azərbaycan Xalq Cümhuriyyəti Parlamentinin üzvü, Rəfibəylilər nəslindən olan sovetlərin ilk repressiya qurbanlarından biri Abuzər bəy Əsgər bəy oğlu Rzayev (1876-1920) Gəncədə anadan olmuşdur. 

1887-ci ildə - Hərbi xadim, Azərbaycan Xalq Cümhuriyyəti ordusunun zabiti, polkovnik Şirin bəy Cəfər oğlu Kəsəmənli (1887-1920) Qazax qəzasının Qıraq Kəsəmən kəndində anadan olmuşdur.

1905-ci ildə - Çar II Nikolay rejimi iflasdan xilas etmək məqsədilə, eləcə də Rusiya xalqlarına mülki və siyasi azadlıqlar vermək niyyəti ilə Dövlət dumasının çağırılması haqqında manifest verdi. Burada qanunverici dövlət dumasını çağırmaq dumaya seçkilərə əhalinin bütün təbəqələrini cəlb etmək, "əhaliyə vətəndaş azadlığının sarsılmaz əsaslarını" bəxş etmək vədi verilirdi. 

1905-ci ildə - Məşhur yazıçı Məhəmməd Əsəd bəy (Qurban Səid, 1905-1942) Bakıda anadan olub. Sovetləşmədən sonra Almaniyaya mühacirət edib. "Əli və Nino" romanı ilə şöhrət qazanıb, tarixi mövzuda 20-dək əsərin müəllifidir. İtaliyada vəfat edib.  

1924-cü ildə - Şair Hüseyn Məmməd oğlu Rzayev (1924-1998) Ordubad rayonunun  Dəstə  kəndində anadan olmuşdur.

1924-cü ildə - Kimya elmləri doktoru, AMEA-nın həqiqi üzvü Məhərrəm Əli oğlu Məmmədyarov Azərbaycan SSR Naxçıvan MSSR Culfa rayonu Yaycı kəndində anadan olmuşdur.

1936-cı ildə - Azərbaycanın Milli Qəhrəmanı Soltanağa Nəhmət oğlu Bayramov (1936-1993) Lənkəran rayonunun Şürük kəndində anadan olmuşdur.

1971-ci ildə - Xalq artisti, əməkdar artist Əliövsət Şirəli oğlu Sadıqov (1906-1971) vəfat etmişdir.

2003-cü ildə - Şair, publisist, 1977-ci ildən Azərbaycan Yazıçılar Birliyinin üzvü, respublika Lenin komsomolu mükafatı laureatı (1982) Nüsrət Yusif oğlu Kəsəmənli (1946-2003) Təbrizdə vəfat etmişdir.

2011-ci ildə - Cərrah, tibb elmləri doktoru, əməkdar elm xadimi, professor, 5 elmi ixtiranın, 300-dək elmi məqalənin müəllifi, 5 elmlər doktorunun və 31 elmlər namizədinin elmi rəhbəri olmuş Nurəddin Məmmədbağır oğlu Rzayev (1929-2011) vəfat etmişdir.