956    

21/10/2017

1603-cü ildə - Təbrizdə Osmanlı hakimiyyəti əleyhinə xalq üsyanı başlayıb. Üsyandan istifadə edən Səfəvi hökmdarı I Şah Abbas qoşunları ilə Təbrizə daxil olaraq Osmanlı qüvvələrini şəhərdən çıxarıb.

1938-ci ildə - Tənqidçi, ədəbiyyatşünas, şair, Azərbaycan Yazıçılar Birliyinin üzvü Əmin Abid Mütəllib oğlu (Mütəllibzadə) (1898-1938) casusluqda günahlandırılaraq həbs edildiyi 3 ayın tamamında - 21 oktyabr saat 21:30-da güllələnmişdir.

1969-cu ildə - Azərbaycanın Milli Qəhrəmanı Ruslan Aleksandroviç Polovinko (1969-1992) Xarkov vilayətinin Zmiyev şəhərində mühəndis ailəsində anadan olmuşdur.

1987-ci ildə - Heydər Əliyev Sov.İKP MK-nın baş katibi M.Qorbaçovun təzyiqi ilə SSRİ rəhbərliyindən istefa verib. Sov.İKP MK-nın plenumunda Heydər Əliyevin partiyanın ali orqanından - Sov.İKP MK Siyasi Bürosunun üzvlüyündən istefası qəbul olunub. Ertəsi gün Heydər Əliyev SSRİ Nazirlər Soveti sədrinin 1-ci müavini vəzifəsindən də istefa verdi və SSRİ Ali Sovetinin Rəyasət Heyəti istefanı qəbul etdi. Bununla bağlı qərarda Heydər Əliyevin "səhhətinə görə pensiyaya çıxması ilə əlaqədar" istefa verdiyi qeyd edilmişdi. 

1993-cü ildə - Azərbaycan Respublikası ilə Braziliya (ölkəmizin müstəqilliyini 1991-ci il dekabrın 26-da tanıyıb) arasında diplomatik münasibətlər qurulub.