1354    

04/01/2017

1668-ci ildə - Şamaxıda zəlzələ baş verdi və 6-7 min adamın ölümü ilə nəticələndi. Streysin məlumatına görə, artıq 1670-ci ildə Şamaxı yenə də tərəqqi etməkdə olan bir şəhər idi.

1931-ci ildə - Pedaqoq, dilçi və jurnalist Fərhad Rəhim oğlu Ağazadə vəfat edib.

1932-ci ildə - Görkəmli yazıçı, dramaturq, publisist, naşir Cəlil Hüseynqulu oğlu Məmmədquluzadə (1869 - 1932) vəfat edib.

1932-ci ildə - Publisist, tənqidçi və tərcüməçi Hüseyn Baxşəli oğlu Minasazov vəfat edib.

1946-cı ildə - Xalq artisti Rafael Məlik oğlu Dadaşov Naxçıvanda doğulub.

1946-ci ildə - Tanınmış satirik şair, "Molla Nəsrəddin" ədəbi məktəbinin görkəmli nümayəndələrindən biri Əli Nəzmi (1878-1946) vəfat edib.

1950-ci ildə - Tanınmış aktrisa İnarə Quliyeva Moskvada anadan olub.

1963-cü ildə - Azərbaycan SSR Ali Soveti Reyasət Həyətinin fərmanı ilə respublikanın ərazi-inzibati sistemində növbəti dəyişikliklər edilib. Fərmana əsasən, Ağcabədi, Əli Bayramlı (indiki Şirvan), Ağsu, Balakən, Daşkəsən, Cəbrayıl, Dəvəçi, Yevlax, Jdanov (Beyləqan), Zərdab, Qax, Qubadlı, Qutqaşen (Qəbələ), Mirbəşir (Tərtər), Nuxa (Şəki), Puşkin (Biləsuvar), Saatlı, Tovuz, Xaçmaz rayonları, Naxçıvan MSSR-də Ordubad və Şahbuz rayonları, DQMV-də Şuşa rayonu ləğv edilib. Lakin bir il sonra, 1964-cü ilin iyulunda Cəbrayıl, Qubadlı, Puşkin rayonları, 1965-ci ilin yanvarında isə digər rayonlar bərpa olunub.

1998-ci ildə - Görkəmli Azərbaycan tarixçisi, şərqşünas, türkoloq, dilçi, mixi yazılar üzrə mütəxəssis, toponimikaçı, elamşünas, Azərbaycanda qədim Şərq tarixinin tədqiqinin əsasını qoyan, nadir ixtisaslı alimlərdən biri Yusif Bəhlul oğlu Yusifov vəfat edib.

2000-ci ildə - Xalq artisti Sofiya Bəşir qızı Bəsirzadə (Vəzirova, 1918 - 2000) vəfat edib.

2003-cü ildə - Prezident Heydər Əliyevin fərmanı ilə təsdiqlənən "Azərbaycan Respublikasının dövlət dili haqqında" qanun rəsmi mətbuatda dərc olunaraq qüvvəyə minib. Qanun ölkə Konstitusiyasına uyğun olaraq Azərbaycan dilinin dövlət dili kimi hüquqi statusunu tənzimləyir.