1218    

29/01/2017

1872-ci ildə - Azərbaycan xanəndəsi Məşədi Məmməd Fərzəliyev (1872-1962) Şuşada anadan olub.

1936-cı ildə - Azərbaycan tənqidçisi və ədəbiyyatşünası, əməkdar elm xadimi Araz Məmməd Arif oğlu Dadaşzadə (1936-1990) Bakı şəhərində anadan olmuşdur. 

1992-ci ildə - Praqada Avropada Təhlükəsizlik və Əməkdaşlıq Müşavirəsinin (1995-ci il yanvarın 1-dən ATƏT) üzvü olan ölkələ-rin Xarici İşlər Nazirləri Şurasının toplantısı keçirilib. Toplantıda Azərbaycan və Ermənistan ATƏM üzvlüyünə qəbul olunub. Təşki-lat Dağlıq Qarabağ münaqişəsinin həlli ilə məşğul olmaq üçün regiona missiya göndərmək barədə qərar qəbul edib. ATƏM Azər-baycanın daxil olduğu ilk Avropa təşkilatı olmuşdur.

1992-ci ildə - Azərbaycan və Koreya Xalq Demokratik Respub-likası (Şimali Koreya) arasında diplomatik əlaqələr qurulub.

1992-ci ildə - Azərbaycan Respublikasının Dövlət Gömrük Komitəsi yaradıldı. Bu gün Azərbaycanda gömrük əməkdaşlarının peşə bayramı kimi qeyd edilir. 

1998-ci ildə - Prezident Heydər Əliyev Azərbaycan Xalq Cumhuriyyətinin yaradılmasının 80 illiyinin keçirilməsi haqqında sərəncam imzalayıb.

2002-ci ildə - Prezident Heydər Əliyev Dünya İqtisadi Forumunun illik toplantısında iştirak etmək üçün Nyu-Yorka gedib. 1960-cı ildən etibarən hər il İsveçrənin Davos şəhərində keçirilən Dünya İqtisadi Forumunun Nyu-Yorkda təşkil edilməsi 2001-ci ilin 11 sentyabr terrorundan sonra beynəlxalq birliyin Amerika ilə həmrəylik jesti idi. Azərbaycan prezidenti 11 sentyabr terroru qurbanlarının xatirə memorialını ziyarət edib.

2003-cü ildə - Azərbaycan Respublikasının prezidenti Heydər Əliyev Prezident sarayında Ukraynanın müdafiə naziri, ordu generalı Vladimir Şkidçenkonu qəbul edib. İki dövlət arasında hərbi əməkdaşlıq sahəsində əməkdaşlığa dair sazişi imzalanıb. 

2006-cı ildə - Azərbaycan Respublikasının Prezidenti İlham Əliyevin Fərmanı ilə Azərbaycan Respublikasının Mədəniyyət Nazirliyi və Azərbaycan Respublikasının Gənclər, İdman və Turizm Nazirliyi ləğv edilmiş, Azərbaycan Respublikası Mədəniyyət Nazirliyi əsasında Mədəniyyət və Turizm Nazirliyi yaradılmışdır.