1164    

30/01/2017

1839-cı ildə - Məşhur xanəndə Hacı Hüsü (1839-1898) Şuşada anadan olub.

1884-cü ildə - Azərbaycan Cümhuriyyətinin qurucularından biri, Azərbaycanın görkəmli ictimai-siyasi və dövlət xadimi Məhəmməd Əmin Axund Hacı Molla Ələkbər oğlu Rəsulzadə (1884-1955) Bakının Novxanı kəndində anadan olub. 

1902-ci ildə - Şamaxı şəhərində güclü zəlzələ böyük dağıntı və tələfat törədib, əhalinin əksəriyyəti şəhəri tərk edib. Şamaxıda 1856, 1861 və 1872-ci illərdə də dağıdıcı zəlzələlər baş verib.

1903-cı ildə - Azərbaycanın əməkdar rəssamı Ələkbər Ələsgər oğlu Rzaquliyev (1903-1974) anadan olub. Acı bir tale yaşamış, 1928, 1937, 1949-cu illərdə üç dəfə sürgünə göndərilmiş rəssam ömrünü də 1974-cü ilin məhz bu günü baş vurmuşdur. 

1917-ci ildə - Bakı fəhlələrinin tətili başa çatdı. Həbs olunmuş fəhlələrin bir hissəsi azad edildi. 

1924-cü ildə - Sovetlər Qurultayında hökumətin fəaliyyəti haqqında məruzəni dinlədi. Məruzə ətrafında müzakirələrdə Q.M.Musabəyov da çıxış etdi. Elə həmin gün SSRİ-nin II Sovetlər qurultayı SSRİ Konstitusiyası haqqında A.S.Yenukidzenin məruzəsini dinlədi və SSRİ Konstitusiyasını təsdiq
etdi. Bununla da Sovet Sosialist Respublikaları İttifaqının "qanunvericiliklə" formalaşdırılması başa çatdı.

1924-cü ildə - Görkəmli Azərbaycan şairi, Azərbaycan və SSRİ Yazıçılar Birliyinin üzvü olmuş, əməkdar incəsənət xadimi Cavadzadə Əli Qulu oğlu (Əli Tudə) (1924-1996) Bakı şəhərində anadan olub. 

1963-cü ildə - Görkəmli teatr və kino aktyoru, SSRİ xalq artisti  Ələsgər Hacıağa oğlu Ələkbərov (1910-1963) vəfat edib.

1992-ci ildə - Azərbaycanla Ukrayna arasında diplomatik münasibətlər qurulub.

1992-ci ildə - Azərbaycanın Milli Qəhrəmanı, Qarabağ müharibəsi şəhidi Təbriz Xəlil Rza oğlu Xəlilbəyli (1964-1992) şəhid olmuşdur. 

1992-ci ildə - Yanvar ayı ərzində erməni terrorçu dəstələri Kərkicahan qəsəbəsində 80 azərbaycanlını qətlə yetiriblər.

1997-ci ildə - Prezident Heydər Əliyev Azərbaycan Elmlər Akademiyasının rəhbərliyi və aparıcı alimlərin bir qrupu ilə görüşərək elm sahəsində mövcud problemləri müzakirə etdi. "Elmin strateji inkişafı və Azərbaycan Milli Elmlər Akademiyasında islahatların konsepsiyası" hazırlandı.

2006-cı ildə - Milli Qəhrəman Çingiz Mustafayev Fondu və ANS Şirkətlər Qrupu ölkəmizin təhsil sisteminin inkişafında xidmətlərinə, milli mədəni irsimizin qorunub saxlanılmasına və dünyada təbliğinə, xarici ölkələrdə xalqımızın müsbət imicinin möhkəmlənməsi üçün gördüyü işlərə, bədii gimnastika üzrə 27-ci dünya çempionatının respublikamızda yüksək səviyyədə hazırlanıb keçirilməsinə, genişmiqyaslı xeyriyyəçilik fəaliyyətinə görə Heydər Əliyev Fondunun prezidenti, YUNESKO-nun xoşməramlı səfiri, Milli Məclisin deputatı Mehriban xanım Əliyevanı "2005-ci ilin adamı" elan etmişdir. Yanvarın 31-də "Park İnn" hotelinin böyük mərasim salonunda mükafatın təqdim edilməsi mərasimi olmuşdur.