1050
24/11/2017 1924-cü ildə - Azərbaycanın Əməkdar incəsənət xadimi, rəssam Vəcihə Əli qızı Səmədova (1924-1965) Bakıda anadan olmuşdur.
1934-cü ildə - Azərbaycan Dövlət Muzeyinin müvafiq şöbəsinin bazasında Azərbaycan Dövlət Teatr Muzeyi yaradılır və Ağakərim Şərifov muzeyin direktoru təyin edilir.
1939-cu ildə - Mil düzü rayonları qrupuna daxil olan Beyləqan rayonu yaranmış və Jdanov rayonu adlandırılmışdır. Azərbaycan SSR Ali Sovetinin 19 mart 1989-cu il tarixli qərarı ilə rayonun adı dəyişdirilərək Beyləqan rayonu adlandırılmışdır.
1988-ci ildə - Azərbaycanlıların Ermənistandan deportasiyası və ermənilərin Qarabağ iddialarına etiraz olaraq Bakıdan sonra bölgələrdə də aksiyalar başlanıb. Azərbaycan Ali Sovetinin Rəyasət Heyəti aksiyaların qarşısını almaq üçün Bakı, Gəncə və Naxçıvanda xüsusi vəziyyət və qadağan saatı tətbiq edib. Buna baxmayaraq Bakıda mitinqlər dekabrın əvvəlinədək davam etdi.
1988-ci ildə - Ermənistan ərazisindən silahlı quldurlar Qubadlı rayonunun Eyvazlı, Davudlu və Qədirli sərhəd kəndlərinə soxulub qırğın törətdilər. Eyvazlı kəndi tamamilə yandırıldı.
1993-cü ildə - Prezident Heydər Əliyevin sədrliyi ilə respublikanın sosial-iqtisadi problemlərinə həsr olunmuş geniş müşavirə keçirilib. Prezident böhrandan çıxış yollarının tapılması, xüsusilə enerji və çörək qıtlığının aradan qaldırılması üçün təxirəsalınmaz tədbirlər barədə hökumətə tapşırıq verib.
1994-cü ildə - Azərbaycanın Milli Qəhrəmanı Çingiz Salman oğlu Qurbanov (1994-2016) Qusar rayonunun Həzrə kəndində anadan olub.
1995-ci ildə - Prezident Heydər Əliyevin iştirakı ilə yeni Milli Məclisin ilk iclası keçirilib. İclasda təşkilati məsələyə baxılıb: Rəsul Quliyev Milli Məclisin sədri, Arif Rəhimzadə sədrin 1-ci müavini, Yaşar Əliyev isə müavin seçiliblər.
1995-ci ildə - Azərbaycan Bruney Sultanlığı ilə diplomatik münasibətlər qurub.
2003-cü ildə - Prezident İlham Əliyev "Azərbaycan Respublikasında sosial-iqtisadi inkişafın sürətləndirilməsi tədbirləri haqqında" fərman imzalayıb.
2006-cı ildə - Heydər Əliyev Fondunun prezidenti, millət vəkili Mehriban Əliyeva sosial-maarifçilik layihələrinə, sivilizasiyalararası dialoqa, İslam aləmində görülən işlərə verdiyi dəstəyə görə İslam Konfransı Təşkilatının elm, təhsil, mədəniyyət qurumu olan İSESCO-nun Xoşməramlı səfiri adına layiq görülüb. 2004-cü ildə M.Əliyevaya UNESCO-nun Xoşməramlı səfiri adı verilmişdi.