1191    

24/11/2017

1814-cü ildə - Tehranda İngiltərə ilə Qacarlar arasında müqavilə bağlandı. Bu müqavilə Rusiyaya qarşı yönəldilmişdi. Qacar şahı Qacar sərkərdələri tərəfdən Hindistanın təhlükəsizliyini təmin etməyi öz öhdəsinə götürürdü. Böyük Britaniya isə Qacarlara hər il, 1809-cu il müqaviləsi üzrə müəyyən olunmuş məbləğdə maliyyə yardımı göstərmək, ordu və hərbi gəmilər ayırmaq haqqında öz öhdəliyini bir daha təsdiq etdi.

1901-ci ildə - Azərbaycan Respublikasının Əməkdar artisti, Xalq artisti, SSRİ Xalq artisti fəxri adlarına layiq görülmuş, orden və medallara təltif olunmuş Mərziyə Yusif  qızı Davudova (1901-1962) Həştərxanda kəndində anadan olmuşdur.

1905-ci ildə - Bakıda ilk fəhlə deputatları soveti yaradılıb. Çar Rusiyasını bürüyən inqilab dalğasının əsas siyasi mərkəzlərindən olan Bakı sol təmayüllü siyasi cərəyanların, o cümlədən bolşeviklərin ən aktiv fəaliyyət meydanına çevrilməkdə idi.

1913-cü ildə - II Dünya müharibəsinin iştirakçısı, Əməkdar inşaatçı, memar, pedaqoq Nəsrulla Yaqub oğlu Kəngərli (1913-1991) Naxçıvanda anadan olmuşdur.

1918-ci ildə - Kinossenarist, Azərbaycan Yazıçılar İttifaqının üzvü, əməkdar incəsənət xadimi, Azərbaycan SSR dövlət mükafatı laureatı, xalq yazıçısı  İmran Haşım oğlu Qasımov (1918-1981) Bakıda anadan olub. "Uzaq sahillərdə" romanının (Həsən Seyidbəyli ilə birgə), povest və hekayələrin, pyeslərin, bir sıra filmlərin ("Bizim küçə", "İnsan məskən salır", "Onun böyük ürəyi" və s.) ssenarilərinin müəllifidir.

1932-ci ildə - ZSFSR Xalq Komissarları Soveti SSRİ EA Qafqazşünaslıq Elmi-Tədqiqat İnstitutunun bazasında təbiət və ictimai elmlər şöbələri olan Ümumittifaq Akademiyasının Zaqafqaziya filialının təsis edilməsi haqqında qərar qəbul etdi. Eyni zamanda həmin ildə Azərbaycan MİK-in qərarı ilə Azərbaycan DETİ-nin bazasında SSRİ EA Zaqafqaziya filialının Azərbaycan şöbəsi (EAZFAŞ) təşkil edildi.

1994-cü ildə - Azərbaycan Respublikasının Xalq artisti, akyor Məmməd İsmayıl oğlu Bürcəliyev (1914-1994) vəfat etmişdir.

1999-cu ildə - Azərbaycan Respublikası ilə ATƏT arasında əməkdaşlığın yeni mərhələsinə təkan verən Qarşılıqlı Anlaşma Memorandumu imzalanıb. Bundan bir qədər əvvəl ATƏT Bakıda daimi ofis açmaq barədə qərar (16 noyabr 1999) qəbul etmişdi.

2000-ci ildə - Bakıda və Azərbaycanın digər bölgələrində 6-6,5 bal gücündə zəlzələ baş verib. Episentri Xəzər dənizində yerləşən zəlzələ nəticəsində Bakıda bir sıra binalar zərər görmüş, nisbi dağıntılar olmuş, bir neçə nəfər yaralanmışdı.