1119    

29/11/2017

1918-ci ildə - Milli Şuranın sədri Məhəmməd Əmin Rəsulzadə Azərbaycan əhalisinə müraciət edib. O, "milli və məzhəb fərqlərinə baxmayaraq" bütün əhalini Xalq Cümhuriyyətinin yeni parlamentində təmsil olunmağa çağırıb: "Ümumi vətəndə müştərək həyatlarını qurmaq üçün onlar bir-birlərinə əl uzatmalı və yardım etməlidirlər". Lakin bu çağırış erməni və ruslar tərəfindən rədd edildi və onlar ilk mərhələdə parlamentdən kənarda qaldılar.

1919-cu ildə - Azərbaycan xalq rəssamı və milli rəssamlıq sənətinin ən parlaq nümayəndələrindən biri Güllü Hacı Naim Mustafa qızı Mustafayeva (1919-1994) Türkmənistanın Türkmənabad şəhərində anadan olmuşdur. 

1928-ci ildə - Azərbaycan təsviri sənətinin görkəmli nümayəndəsi, dünya şöhrətli rəssam, Bakı Beynəlxalq Multikulturalizm Mərkəzi Himayəçilik Şurasının üzvü Tahir Teymur oğlu Salahov anadan olub. Böyük sənətkar 80 illik yubileyi ərəfəsində prezident İlham Əliyevin sərəncamı ilə Azərbaycan mədəniyyətinin inkişafında müstəsna xidmətlərinə görə ölkəmizin ən yüksək mükafatı - "Heydər Əliyev" ordeni ilə təltif olunub.

1935-ci ildə - Qarabağ xanəndəlik məktəbinin tanınmış nümayəndələrindən biri, Azərbaycan Respublikasının xalq artisti, Azərbaycan Respublikası Prezidentinin fərdi təqaüdçüsü Qədir Çərkəz oğlu Rüstəmov (1935-2011) Ağdam rayonunda anadan olmuşdur. 

1935-ci ildə - Şair, Azərbaycan Yazıçılar Birliyinin üzvü Soltan Sərdar oğlu Yusifov (Soltan Yusif) (1935-2003) Qaryagin rayonunun Kərimbəyli kəndində anadan оlub.

1990-ci ildə - Azərbaycan SSR-in adının dəyişdirilərək Azərbaycan Respublikası adlandırılması və üçrəngli bayrağın Azərbaycanın dövlət bayrağı elan edilməsi barədə fərman verilib. 1991-ci ilin 5 fevralında Ali Sovet bununla bağlı qanun qəbul etdi. Digər fərmanla 28 may "Milli istiqlal günü" elan edilib. 1994-cü ildə prezident Heydər Əliyevin fərmanı ilə 28 may Respublika günü elan olundu.