1113    

01/12/2017

1920-cu ildə - Azərbaycanda bolşevik hökumətinin - Müvəqqəti İnqilab Komitəsinin rəhbəri N.Nərimanov 1920-ci ilin dekabrın 1-də Bakı Sovetinin iclasında səsləndirdiyi bəyanatda Zəngəzurun Ermənistana verilməsinə razılığını bildirib. Noyabrın 29-da Ermənistanda sovet hakimiyyəti qurulmuşdu və Azərbaycan bolşevikləri sovetlərin ümumi qələbəsi xatirinə Zəngəzuru erməniləri verdilər. Bundan bir qədər öncə (10 avqust 1920) Rusiya K(b)P-nin Qafqaz Bürosu Azərbaycan rəhbərliyinin razılığı olmadan Naxçıvanın Şərur-Dərələyəz bölgəsini Ermənistana vermək bərədə qərar qəbul etmiş, Zəngəzur və Qarabağı isə "mübahisəli ərazilər" elan etmişdi. Beləcə, Azərbaycan torpaqlarını qoparmaq hesabına Ermənistan SSR (ərazisi 29 min kv km) yarandı.

1989-cu ildə - Zəngəzurun ermənilərə verilməsinin 69-cu ildönümündə Ermənistan SSR-in Ali Soveti Dağlıq Qarabağın Ermənistana birləşdirilməsi barədə qərar qəbul edib. O vaxtkı SSRİ Konstitusiyasını, eləcə də beynəlxalq hüququn əsas norma və prinsiplərini kobud şəkildə pozan bu addımla Ermənistan Azərbaycana qarşı ərazi iddiasını rəsmən elan etmiş oldu. 

2004-cü ildə - Azərbaycan Xalq şairi, Azərbaycan Respublikasının Əməkdar incəsənət xadimi Məmməd Araz (Məmməd İnfil oğlu İbrahimov) (1933-2004) 71 yaşında vəfat еtmiş, Fəxri Xiyabanda dəfn edilmişdir.