1389    

28/12/2017

1900-cü ildə - Tanınmış hüquqşünas, professor, Azərbaycan EA-nın müxbir üzvü Vahid Pənah oğlu Qəhrəmanov (1900-1978) Qutqaşında (indiki Qəbələdə) anadan olub.

1918-ci ildə - Azərbaycan Cümhuriyyətinin parlamenti Əlimərdan bəy Topçubaşovun rəhbərliyi ilə Paris sülh konfransına nümayəndə heyətinin göndərilməsi barədə qərar qəbul edib. Nümayəndə heyəti bir ilə yaxın gərgin diplomatik iş apararaq Azərbaycan Xalq Cümhuriyyətinin dünyanın aparıcı dövlətləri tərəfindən tanınmasına (yanvar 1920) nail oldu.

1926-cı ildə - “Şöhrət” və “İstiqlal” ordenləri ilə təltif edilmiş, “Əməkdar elm xadimi” fəxri adına layiq görülmüş akademik Nəriman Ağaqulu oğlu Quliyev (1926-2014) Bakı şəhərində anadan olmuşdur.

1936-cı ildə - Müğənni, Azərbaycan SSR, Ermənistan SSR, Özbəkistan SSR, SSRİ xalq artisti, Azərbaycan SSR Dövlət mükafatı laureatı, "Heydər Əliyev" ordeni, “Şöhrət” ordeni laureatı, uzun illərdir Azərbaycan Respublikası Milli Məclisinin deputatı Zeynəb Yəhya qızı Xanlarova anadan olub. 

1941-ci ildə - Şair, publisist, “Qızıl qələm” mükafatına, “Araz” ali ədəbi mükafatına layiq görülmüş Şahmar Əkbər oğlu Əkbərzadə (1941-2000) Ağdam rayonunun Çəmənli kəndində, ziyalı ailəsində anadan olmuşdur.

2006-cı ildə - Prezident İlham Əliyev "Azərbaycan Respublikasında insan hüquqlarının müdafiəsi üzrə Milli Fəaliyyət Planının təsdiq edilməsi haqqında" sərəncam imzalayıb. Bu, 1998-ci il iyunun 18-də qəbul olunmuş "İnsan hüquqlarının müdafiəsinə dair Dövlət Proqramı"ndan sonra həmin sahə üzrə ikinci fundamental fəaliyyət sənədi idi.