1304    

19/09/2018

Yenicə çapdan çıxan "Azərbaycan təbiətinə səyahət" toplusunda gənc tədqiqatçı Emil Cəbrayılovun vətənimizin ekzotik təbiət məkanlarına və yaşayış məntəqələrinə səyahət zamanı topladığı təəssüratlardan söhbət açılır. Müəllifin Azərbaycan Coğrafiya Cəmiyyətinin xətti ilə gerçəkləşdirdiyi səfərlərdə sevə-sevə görüşünə tələsdiyi ərazilərin coğrafi mövqeyi, təbiət və mədəniyyət abidələri, yerli sakinlərlə qayğılı söhbətləri, səyahət zamanı yaşadığı macəralı məqamların təhlükəli anları sadə, səmimi, aydın, inandırıcı və kövrək bir dillə təqdim olunur. Əsas leytmotivin vətənimizin ulu keçmişini və bu gününü yaxından tanıyaq, onun varlığımız qədər sevək və sağlam şəkildə gələcək nəsillərə ötürək istəyi təşkil edən toplunun vətən və təbiətsevərlərin rəğbətini qazanacağına ürəkdən inanırıq.