2026    

29/06/2020

“Çapar” dərgisi 2018-ci ildə Azərbaycan Respublikasının Ədliyyə Nazirliyində qeydiyyatdan keçib.

Dərgi XIX-XX əsrlər Azərbaycan tarixində cəmiyyətə bəlli olmayan və az bəlli olan məlumatları özündə toplayır. Dərginin təsisçisi Yusif İlhamoğlu, Baş redaktoru Dilqəm Əhməddir. Heç bir siyasi, iqtisadi, sosial və ya dövlət təşkilatına bağlı olmayan dərgidə ölkəmizdə və ölkə xaricində fəaliyyət göstərən müxtəlif universitetlərin professor, doktor heyəti, AMEA-nın alimləri, müstəqil tarixçilər, araşdırmaçılar, jurnalistlər və kolleksionerlərin yazı və araşdırmaları dərc olunur.

Dərginin hər sayı ölkə tarixinin bir əlamətdar hadisəsi ilə əlaqələndirilən baş mövzu və digər mövzulara aid yazılardan təşkil olunur.

Çapar jurnalının 2018-2019-cu illərdə nəşr olunan sayları

1-ci say: Azərbaycan Cümhuriyyəti Parlamentinin açılışının 100 illiyinə həsr olunub.
2-ci say: Əli bəy Hüseynzadənin 155 illik yubileyinə həsr olunub.
3-cü say: Azərbaycanın görkəmli qadınlarına həsr olunub.
4-cü say: “Molla Nəsrəddin” jurnalına həsr olunub.
5-ci say: Azərbaycan Cümhuriyyətinin yaranmasının 101 illiyinə həsr olunub.
6-cı say: Azərbaycan Cümhuriyyəti ordusunun yaranmasının 101 illiyinə həsr olunub.
7-ci say: Üzeyir bəy Hacıbəyliyə həsr olunub.
8-ci say: Məhəmməd Hadinin 140 illik yubileyinə həsr olunub(nəşri müvəqqəti təxirə salınıb).
“Əhməd bəy Ağaoğlu – 150” xüsusi buraxılışı.