1251    

19/02/2017

1832-ci ildə - Mayor Abbasqulu ağa Bakıxanov tərəfindən tərtib edilən müsəlman məktəbləri barədə layihə Zaqafqaziya diyarının baronu Q.V. Rozenə təqdim edildi, lakin layihə çar generalının diqqətini cəlb etmədiyinə görə onun şəxsi arxivində batıb qaldı. Layihə müsəlman uşaqları üçün dünyəvi məktəblərin açılmasını nəzərdə tuturdu. Qafqaz hakiminin diqqətə almadığı layihə bir əsr sonra, 1957-ci ildə Tbilisi arxivində E.M.Axundova tərəfindən aşkar edilərək dərc olunub.

1900-cü ildə - Xalq artisti, aktyor Səməd Məmməd oğlu Möhləvi (1900 -1962) anadan olub.

1907-ci ildə - Çar Rusiyasının ikinci Dövlət Duması fəaliyyətə başlayıb. Birinci Dumada (1906) olduğu kimi, ikinci Dumanın tərkibində də 5 azərbaycanlı deputat (Fətəli xan Xoyski, Xəlil bəy Xasməmmədov, Mustafa Mahmudov, Məhəmməd ağa Şahtaxtinski və Zeynal Zeynalov) vardı.

1917-ci ildə - Qafqaz müftisi, Ədəbiyyatşünas, müəllim, Azərbaycan maarifpərvəri Mirzə Hüseyn Əfəndi Qayıbzadə (1830-1917) vəfat edib. 

1921-ci il fevralın 20-23-də - Bakıda yoxsul komitələrinin Birinci Ümumazərbaycan qurultayı oldu. 

1928-ci ildə - Tanınmış şair, dramaturq Əliağa Kürçaylı (Əliağa Həsənağa oğlu Vəliyev) (1928-1980) Salyan rayonunun Kür Qaraqaşlı kəndində anadan olub.

1930-cu ildə - Ümumittifaq Kommunist (bolşeviklər) Partiyası Mərkəzi Komitəsində qəbul olunmuş "iqtisadi cəhətdən geridə qalan milli rayonlarda kollektivləşmə və qolçomaqlara qarşı mübarizə haqqında" qərarda kollektivləşdirmədə rayonların milli və iqtisadi xüsusiyyətlərinin nəzərə alınması təklif edilirdi.

1938-ci ildə - Xalq artisti, professor, Milli Konservatoriyanın muğam kafedrasının müdiri Arif İmran oğlu Babayev Ağdam şəhəri yaxınlığındakı Sarıhacılı kəndində anadan olmuşdur. Azərbaycan muğam sənətinin inkişafındakı xidmətlərinə görə 2008-ci ildə "İstiqlal" ordeni ilə təltif olunub.

1957-ci ildə - Azərbaycan çalğı musiqisinin görkəmli nümayəndələrindən biri, tarzən, Azərbaycanın əməkdar artisti Məmmədmirzə (Məmmədxan) Məmmədrza oğlu Bakıxanov (1890-1957) Bakıda vəfat etmişdir.

1988-ci ildə - Azərbaycan SSR-in Dağlıq Qarabağ Muxtar Vilayətinin (DQMV) Xalq Deputatları Sovetinin erməni deputatları qeyri-legitim növbədənkənar sessiya çağıraraq "Dağlıq Qarabağın Azərbaycanın tərkibindən çıxarılıb Ermənistana verilməsi haqqında" qərar qəbul ediblər. Bu barədə SSRİ Ali Sovetinə müraciət qəbul olunub. DQMV-nin Xalq Deputatları Sovetinin mandatı 1988-ci ilin yanvarında bitmişdi və ermənilərin qəbul etdiyi qərar qeyri-legitim idi. Bu hadisə Qarabağ konfliktinin rəsmi tarixinin başlanğıcı hesab olunur.

Сессия фактически предопределила борьбу Нагорного Карабаха за независимость. Принятию исторического решения предшествовали аналогичные решения районных Советов.

1992-ci ildə - Azərbaycanla Almaniya arasında (ölkəmizin müstəqilliyini 1992-ci il yanvarın 12-də tanıyıb) diplomatik münasibətlər qurulub.  

1992-ci ildə - İlk Azərbaycan aviaeskadrilyası təşkil edildi. 

2014-cü ildə - Azərbaycanın xalq artisti Firəngiz Abbasmirzə qızı Şərifova (1924 – 2014) vəfat edib.