4471    

21/04/2021

Səfəvilər dövləti ilə bağlı paylaşdığımız elektron kitablar rubrikasının (I hissə) davamı olaraq bu dəfə sizlər üçün növbəti kitabları təqdim edirik. Ümid edirik ki, sizlər üçün faydalı olacaqdır.

Təqdim edəcəyimiz ilk kitab Ceyhun Bayramlının Vüqar Zifəroğlu ilə həmmüəllif olduğu "Azərbaycan hökmdarları: Səfəvilər" kitabıdır. Qeyd edək ki, bu kitab “Oğuz” Müstəqil Araşdırmaçılar Qrupunun Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyi layihə çərçivəsində nəşr edilmişdi. Ana dilimizlə yanaşı həm də ingilis dilində nəşr olunmuş bu kitab dünyanın müxtəlif universitetlərində, kitabxanalarında, elm fondlarında, araşdırma institutlarında o cünlədən diaspor təşkilat və cəmiyyətlərimizdə Azərbaycan dövlətçilik tarixi barədə informasiya çatışmazlığının aradan götürülməsi baxımından əhəmiyyətlidir. 2015-ci ldə çapdan çıxan kitabda dövlətin qurucusu Şah İsmayıldan başlayaraq Şah II Təhmasibə qədər olan hökmdarların hər biri barədə həm Azərbaycan türkcəsində, həm də ingiliscə məlumat verilir.  Kitabı bu linkdən əldə bilərsiniz: 

1. Ceyhun Bayramlı, Vüqar Zifəroğlu. Azərbaycan hökmdarları: Səfəvilər. Bakı. 2015, 240 s.

Səfəvilər dövləti ilə bağlı digər maraqlı kitab Cəsur Qurbanovun müəllifi olduğu "Səfəvi hökmdarı I Şah Abbas (1587-1629)" adlı əsərdir. Oxucuların istifadəsinə verilən bu kitabda Səfəvilər dövlətinin XVII əsrin sonu-XVIII əsrin əvvəllərindəki vəziyyəti dolğun təsvir edilmiş, I Şah Abbasın islahatlarına münsibət öz obyektiv həllini tapmışdır. Kitab tarixi keçmişimizlə maraqlanan geniş oxucu kütləsi üçün nəzərdə tutulmuşdur. 

2. Cəsur Qurbanov. Səfəvi hökmdarı I Şah Abbas (1587-1629). Bakı: Zərdabi LTD, 2011, 176 s.  

Səfəvilər dövləti ilə bağlı təqdim edəcəyimiz növbəti kitab Səidə Səlimzadənin müəllifi olduğu Səfəvi xalçaları kitabının I cildidir. Maddi-mənəvi sərvətimiz olan, milli tətbiqi sənətəmizin nadir incisi sayılan əl xalçaçılığı nəsildən nəsilə ötürülərək min illəri adlamış mədəniyyətimizin ən böyük sərvətlərindən biri olmuşdur. Təqdim edilmiş kitabda Səfəvilər dövrünə aid yüksək səviyyəli iki məktəbin-xalçaçılıq və miniatür məktəblərinin sənətkarları xalça ornamentasiyası sənətini mükəmmələşdirmişlər. Səfəvi xalçaları sənətinə güclü təsir göstərmişdir. İnanırıq ki, kitab xalçaçılıq sahəsinin mütəxəssisləri və bu sahə ilə maraqlanan bütün insanlar üçün faydalı olacaqdır. 

3. Səidə Səlimzadə. Səfəvi xalçaları. I cild. Bakı. 2015, 208 s.

Arzu edənlər üçün bu cür kompaniyalar davamlı olacaqdır.